كلمات حبيب قلبي

" كلمات الاغنية "
* * *
انت الخوي انت كنت الصديق اللي أثق فيه
انت كنت الحبيب بالنسبالي اللي احبه واغليه
أعليه وأفديه بكل أملك من الغلا
حبيب عمري حياتي وروحي تراها لك فدا
تدلل علي اطلب مني كل اللي انتا تبغاه
انت مو أي واحد أنت اللي أحلى أيامي كانت معاه
من الطفولة وأذكر اليوم اللي اتعرفت عليك فيه
كنا بالدراجات وكانت وسيلتنا للترفيه
كنت تمر من قدام البيت وأطلعلك سريع
نلفلف بالدرجات ونستعرض بالترفيع
ارتحنا لبعض من ذيك الأيام وكونا صداقة
كنت أحس بكل دقيقة بيني وبينك بالسعادة
صارت عادة عندنا الفرحة حبيتك يافلان
عشقتك من كل قلبي وصار لك في قلبي مكان
مهما كان بستمر أحبك ولو جاني كلام
حب عفيف والحب العفيف أبد ماهو حرام

حبيب قلبي حبيب قلبي
حياتي وروحي تراها لك فدا
أحبك ياأغلى ماعندي
وجودك معي يحسسني بالراحة والرضا

_________
كنا نتقابل من الفجر ونقعد لين اليوم الثاني
ومع ذلك نحس انه الوقت يعدي كنه ثوانــي
الوقت يمر بلحظة مانحس منه الا بعضه
لو كان الحظ بيد الشخص كل واحد كان بيختار حظه
وحظي اللي بختاره اني دايما بكون معاك
معك أحـــس بالراحة ياجعلنـــــي فداك
تحسب اني قاعد أجاملك لا والذي ســــواك
المشكلة انك موب حاس باللي بقلبي من غلاك
لك محبة فقلبي محبة فوق الخيال
محبة نتجت من سنين من يوم إنا كنا أطفال
أحبك حب يارفيق الدرب لك مكانة والله بالقلب
لو شنت حرب بكون أنا صلب لجل أحميك من كل الضرب
وفي وقت الكرب مستحيل إني أتخلى عنك
أنا أسوي أي شي لجل أشوف البسمة في فمك
وعد مني إني بكون الصديق الوفي على طول
وبالمقابل ابيك توعدني إنه صداقتنا ماتزول


حبيب قلبي حبيب قلبي
حياتي وروحي تراها لك فدا
أحبك ياأغلى ماعندي
وجودك معي يحسسني بالراحة والرضا
_________
ياخويي أنا أدري ان الدنيا تفرق الأحباب
ومثل ماقالوا في القدم الزمن هذا غلاب
لكن ماودي يجي يوم وأشوفك تبتعد فيه عني وأقعد أعاني وأحس اننا أغراب
كل مااحتاجك أبيك تتواجد وتكون بقربي
لو تخليت عني من راح يبقى لي ياحبي؟
حبيب قلبي يشهد ربي إني أعتبرك أخوي
وين فلان أخوك؟ كذا يسميك أبوي

حبيب قلبي حبيب قلبي
حياتي وروحي تراها لك فدا
أحبك ياأغلى ماعندي
وجودك معي يحسسني بالراحة والرضا
* * *